काठमाडौं । नेपाल राष्ट्र बैंकले राष्ट्रिय सहकारी बैंकलाई नियमन गर्नका लागि छुट्टै विभाग गठन गरेको छ ।
केन्द्रिय बैंकले विहिबार एक सुचना जारी गैर बैक वित्तीय संस्था सुपरीवेक्षण विभाग गठन गरेको र सहकारी बैंकपनि सोही अन्तर्गत राखिएको जानकारी दिएको छ ।
यो व्यवस्थासँगै सहकारी बैंक तथा व्यवसायिक तथा मजवुत हुने राष्ट्रिय सहकारी बैंकका अध्यक्ष केवी उप्रेतिले जानकारी दिए । उनले भने, नेपाल राष्ट्र बैंकले यसअघि घ बर्गको लघुवित्त संस्थालाई गर्ने नियमन र सुपरिवेक्षण गर्दै आएको थियो अव भने छुट्टै विभाग नै गठन गरेर नियमन गर्ने भएको छ । यसले सहकारी बैंकलाई थप व्यवसायीकरण गर्नेमा कुनै शंका छैन ।
उनले राष्ट्र बैंकले गरेको यो व्यवस्था राम्रो भएको र व्यवहारमा कसरी लागु हुन्छ सो हेर्न बाँकी रहेको बताए । राष्ट्र बैंकको नियमनले सहकारी बैंक झन् राम्रो, वलियो र कुनैपनि जोखिम धान्नका लागि सक्षम हुने उप्रेतिको भनाई रहेको छ ।
सहकारी बैंकसँगै केन्द्रिय बैंकले कर्मचारी संचय कोष, नागरिक लगानी कोष, विदेशी विनियम कारोबार गर्न इजाजत प्राप्त संस्थाहरु, हायर पर्चेस कारोबार गर्न अनुमति प्राप्त कम्पनीहरु, हाइड्रोइलेक्ट्रिसिटी इन्भेष्टमेन्ट कम्पनीको समेत नियमन हुनेछ ।
केन्द्रिय बैंकको व्यवस्थापन समितिको माघ १३ गतेको निर्णय बमोजिम सो विभाग गठन भएको हो ।
वि.सं.२०७८ माघ २१ शुक्रवार १८:०९ मा प्रकाशित