काठमाडौं । माघ महिनाको तेस्रो सातासम्म ७ कम्पनीको बोनस सेयर नेपाल स्टक एक्सचेञ्ज(नेप्से)मा सूचीकृत भएको छ ।
उक्त अवधिमा दुई वाणिज्य बैंकसहित सात कम्पनीको २ करोड ९५ लाख ८२ हजार कित्ता बोनस सेयर नेप्सेमा सूचीकृत भएको हो ।
उक्त अवधिमा माछापुच्छ्रे बैंक, मेगा बैंक, आशा लघुवित्त वित्तीय संस्था, साधाना लघुवित्त वित्तीय संस्था, गुराँस लघुवित्त वित्तीय संस्था, स्वरोजगार लघुवित्त वित्तीय संस्था र रुरु जलविद्युत परियोजनाको बोनस सेयर सूचीकृत भएको हो ।
जसमध्ये माछापुच्छ्रे बैंकको १ करोड २० लाख ४० हजार ६१० कित्ता, मेगा बैंकको १ करोड ४६ लाख ५४ हजार ९६४ कित्ता, रुरु जलविद्युत परियोजनाको ५ लाख ७ हजार ७०५ कित्ता बोनस सेयर सूचीकृत भएको छ ।
यस्तै, नेप्सेमा स्वरोजगरा लघुवित्तको १० लाख २८ हजार १९८ कित्ता, गुराँस लघुवित्तको १ लाख ४१ हजार कित्ता, साधाना लघुवित्त ६ लाख ४२ हजार ४५१ कित्ता र आशा लघुवित्तको ६ लाख ६७ लाख ८२८ कित्ता बोनस सेयर नेप्सेमा सूचीकृत भएको हो ।
वि.सं.२०७८ माघ २२ शनिवार १५:२१ मा प्रकाशित