काठमाडौं । आरएमडीसी लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको ६ महिनाको अवधिमा कम्पनीले १६ करोड ८५ लाख ४ हजार रुपैयाँ नाफा गरेको छ । कम्पनीको यो नाफा गत वर्षको पुस मसान्तसम्मको तुलनामा ४६.८४ प्रतिशतले बढी हो । गत वर्षको सोही अवधिमा कम्पनीले ११ करोड ४७ लाख ४७ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि ३७.८८ प्रतिशतले वृद्धि भई २७ करोड ७४ लाख २२ हजार रुपैयाँ पुगेको छ । गत वर्षको पुस मसान्तसम्ममा कम्पनीको यो आम्दानी २० करोड १२ लाख ४ हजार रुपैयाँ रहेको थियो ।
चालु आवको ६ महिनको अवधिमा कम्पनीको संचालन मुनाफा भने २३ करोड ४९ लाख ५५ हजार रुपैयाँ रहेको छ । कम्पनीको वितरणयोग्य नाफा ३० करोड ४९ लाख ५५ हजार रुपैयाँ रहेको छ ।
कम्पनीको चुक्ता पुँजी १ अर्ब २४ करोड १० लाख ६६ हजार रुपैयाँ रहेको छ । कम्पनीले जगेडा कोषमा भने ९८ करोड ९२ हजार ७० हजार रुपैयाँ राखेको छ ।
उक्त अवधिमा कम्पनीको खराब कर्जामा केही सुधार देखिएको छ । गत वर्षको पुस मसान्तसम्ममा ०.०६ प्रतिशत रहेको खराब कर्जा यस वर्षको सोही अवधिमा भने घटेर ०.०५ प्रतिशत कायम भएको छ ।
कम्पनीको प्रतिसेयर आम्दानी २७ रुपैयाँ १५ पैसा (वार्षिक) र प्रतिसेयर नेटवर्थ २५३ रुपैयाँ रहेको छ ।
वि.सं.२०७८ माघ २४ सोमवार १३:२३ मा प्रकाशित
