काठमाडौं । प्रहरी प्रधान कार्यालय, केन्द्रीय अनुसन्धान ब्यूरो(सीआईबी)ले बैंकिङ कसूर मुद्दामा फरार व्यक्तिलाई पक्राउ गरेको छ ।
सीआईबीले बैंकिङ कसूर मुद्दामा फरार नुवाकोट विदुर नगरपालिका–१९ स्थायी घर भई काठमाडौं टोका नगरपालिका–३ बस्ने ४१ वर्षीय अम्बिका बुढाथोकिलाई पक्राउ गरेको हो ।
बुढाथोकिले आफ्नो बैंक खातामा पर्याप्त रकम मौज्जात नभएको भन्ने जानी जानी झुक्यानमा पारि चेक काटी दिएकी थिइन् ।
उनलाई उच्च अदालत पाटनले गत कात्तिक २३ गते बैंकिङ कसूर तथा सजाय ऐन २०६४ बमोजिम कसूरमा १७ लाख ४२ हजार ८७७ रुपैयाँ र ६ दिन कैद हुने ठहर गरेको थियो ।
सीआईबीले फैसला कार्यान्वयनका लागि उनलाई आजै (माघ २५ गते) ललितपुर जिल्ला अदालतमा पेश गरेको जानकार दिएको छ ।
वि.सं.२०७८ माघ २५ मंगलवार १७:३४ मा प्रकाशित