काठमाडौं । युनियन हाइड्रोपावर कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको पुस मसान्तसम्ममा कम्पनीले १ करोड ९७ लाख ७६ हजार रुपैयाँ नाफा कमाएको छ । कम्पनीको यो नाफा गत वर्षको सोही अवधिको तुलनामा भने ५९.८९ प्रतिशतले बढी हो । गत वर्षको पुस मसान्तसम्ममा कम्पनीले १ करोड २३ लाख ६८ हजार रुपैयाँ नाफा गरेको थियो ।
उक्त अवधिमा कम्पनीको विद्युत बिक्रीबाट हुने आम्दानी पनि ११.८० प्रतिशतले बढेर ४ करोड ८८ लाख ७४ हजार रुपैयाँ पुगेको छ । गत वर्षको पुस मसान्तसम्ममा कम्पनीको यो आम्दानी ४ करोड ३७ लाख १४ हजार रुपैयाँ रहेको थियो ।
चालु आवको ६ महिनाको अवधिमा कम्पनीको संचालन मुनाफा ३ करोड ८६ लाख ६४ हजार रुपैयाँ रहेको छ । कम्पनीको यो मुनाफा गत वर्षको तुलनामा भने १०.८९ प्रतिशतले बढेको हो ।
कम्पनीको चुक्ता पुँजी ७५ करोड रुपैयाँ रहेको छ । कम्पीको जगेडा कोष भने ५ करोड ६२ लाख ६३ हजार रुपैयाँ ऋणात्मक देखिएको छ । कम्पनीको जगेडा कोष गत वर्षको पुस मसान्तसम्ममा पनि ७ करोड ३० लाख ९५ हजार रुपैयाँ ऋणात्मक रहेको थियो ।
कम्पनीको प्रतिसेयर आम्दानी ५ रुपैयाँ २७ पैसा र प्रतिसेयर नेटवर्थ ९२ रुपैयाँ ५० पैसा रहेको छ ।
वि.सं.२०७८ माघ २६ बुधवार १२:४७ मा प्रकाशित