काठमाडौं । कुमारी बैंकले संस्थापक सेयर बिक्री गर्ने भएको छ । बैंकले संस्थापक सेयरधनीको नामा रहेको १० लाख कित्ता बढी संथापक सेयर बिक्री गर्न लागेको हो ।
एक सूचना निकाल्दै बैंकले संस्थापक सेयरधनी मिलन इन्भेष्टमेन्ट कम्पनी प्रालिको नाममा रहेको १० लाख ७७ हजार २३९ कित्ता संस्थापक सेयर बिक्री गर्न लागेको जनाउको हो ।
उक्त सेयर खरिद गर्नका लागि बैंक विद्यमान संस्थापकहरुले आजैका मितिले ३५ दिनभित्र आवेदन दिन सक्नेछन् । उक्त सेयरको बिक्री मूल्य भने बिक्रेताले तोके बमोजिम हुनेछ ।
तोकिएको म्याद भित्र विद्यमान संस्थापकहरुबाट आवेदन नपरेमा संस्थापक भन्दा बाहिर सेयर बिक्रीको प्रक्रिया अगाडि बढ्न सक्ने सूचनामा उल्लेख छ ।
वि.सं.२०७८ माघ २६ बुधवार १३:२८ मा प्रकाशित