काठमाडौं । भन्सार विभागले लिखित परीक्षा संचालन गर्ने भएको छ । विभागले भन्सार एजेन्टको लिखित परीक्षाका लागि मिति तोकेको हो ।
कोभिड–१९ को महामारीका कारण स्थगित भएको लिखित परीक्षा विभागले आउँदो फागुन २८ गते दिनको २ बजे संचालन गर्ने जनाएको छ ।
बुधवार एक सूचना निकाल्दै विभागले लिखित परीक्षा नेपाल सरकारले तोकेको स्वास्थ्य सुरक्षा सम्वन्धी र लोकसेवा आयोगबाट स्वीकृत संक्रमण विशेष अवस्थामा परीक्षा (संचालन तथा व्यवस्थापन) सम्वन्धी मापदण्ड २०७७ (संशोधनसहित) हुने जानकारी गराएको छ ।
परीक्षा मिति तोकेपनि केन्द्र भने पछि प्रकाशन गरिने सूचनामा उल्लेख छ ।
विस्तृतका लागि हेर्नुहोस्, सूचना:
वि.सं.२०७८ माघ २६ बुधवार १४:२४ मा प्रकाशित