काठमाडौं । पछिल्लो समयमा सेयरबजारप्रति सर्वसाधारण लगानीकर्ताहरुको चासो बढेपनि करिव १८ लाख लगानीकर्ताहरु डुवेको तथ्यांक बाहिरिएको छ । नेपाल धितोपत्र बोर्डका संचालक शोभकान्त पौडेलले एक कार्यक्रममा नेपालभर करिव ३८ लाख लगानीकर्तामध्ये १८ लाख लगानीकर्ताहरुले आफुले गरेको लगानी गुमाएको पाइएको दावी गरेका छन् ।
संघिय संसदको अर्थसमितिका सभापति कृष्णप्रसाद दाहालको समेत उपस्थिति भएको सो कार्यक्रम उनले बजारमा कारोबार गर्नेमध्ये जम्मा ७ जनाले मात्र कमाएको आफूले अप्रत्यक्ष रुपमा गरेको एक अध्ययनमा पाइएको दावी गरे ।
उनले भने,‘बजारमा सवैलाई समान रुपमा खेल्ने अवसर दिनुपर्छ, तर नेपालमा भने करिव १८ लाख लगानीकर्ताहरु डुवेका छन् भने ७ जनाले कमाएका छन् । जुन अस्वाभाविक हो ।’
“कुनै सानो लगानीकर्ताले ३० हजार लगानी गरेको छ भने उसको रकम घटेर १५ हजारमा आएको छ, सरकारी निकाय पनि पाँच प्रतिशत कर आएकै छ, भनेर बसीरहेको छ। ठूला लगानीकर्ताहरु घाटामा जाने संकेत पाउने वित्तिकै बेचेर बाहिरिन्छन् किनकी उनीहरुसँग बजारको राम्रो इन्फरमेसन हुन्छ । डुव्ने सवै साना ण्लगानीकर्ताहरु हुन् जसको कुनै पहुँच हुन्न ।” उनले भने ।
उनले भने, ‘सेयर बजार नियमन गर्ने निकायमा नै हाम्रो ल्याप्सेस छ, त्यसैले नियमनकारी निकायलाई स्वतन्त्र रुपले काम गर्न दिनुपर्छ । ठूला लगानीकर्ताहरुले नेपाल राष्ट्र बैंकले यो नीति ल्यायो यसो हुनपर्ने भन्न मिल्दैन । नियमनकारी निकायलाई स्वतन्त्र रुपमा काम गर्न दिइएन भने हामी टर्कीजस्तो हुन सक्छौ ।’
सेयर बजारमा जोखिम भएपनि खेल्न भने सवैलाई उस्तै वातावरण मिलाइदिनुपर्ने उनको तर्क छ । बजारलाई मौलिक ग्रोथ हुनका लागि नियमनकारी निकायलाई दरिलो बनाएर अगाडी बढ्नु जरुरी रहेको पौडेलको भनाई रहेको छ ।
वि.सं.२०७८ माघ २६ बुधवार १४:३८ मा प्रकाशित
