काठमाडौँ । नेशनल लाईफ माईक्रोफाइनान्स लघुवित्त वित्तीय संस्था लिमिटेडले गत आर्थिक वर्षमा उल्लेख्य नाफा कमाएको छ ।
आज सार्वजनीक कम्पनीको वित्तीय विवरण अनुसार कम्पनीले गत आर्थिक वर्ष (२०७७–७८) सालमा नाफा ३१२ प्रतिशतले बढेको देखिएको हो ।
एक वर्षमा कम्पनीले खुद नाफा ३१ करोड ५८ लाख ४१ हजार रुपैयाँ नाफा कमाएको छ जबकी यो मुनाफा अघिल्लो आर्थिक वर्षको तुलनामा २३ करोड ९२ लाख ५३ हजार रुपैयाँ बढी हो ।
अघिल्लो आर्थिक वर्षको समिक्षा अवधिमा कम्पनीले यस्तो मुनाफा ७ करोड ६५ लाख ८७ हजार कमाएको थियो ।
खुद नाफासँगै कम्पनीको खुद ब्याज आम्दानीमा पनि वृद्धि भएको छ । समिक्षा अवधिमा कम्पनीले खुद ब्याज आम्दानीबापत ६२ करोड ७० लाख ९० हजार रुपैयाँ कमाएको छ भने अघिल्लो आर्थिक वर्षको समिक्षा अवधिमा ३० करोड ५५ लाख रुपैयाँ कमाएको थियो ।
त्यसैगरी कुल सञ्चालन आम्दानीमा पनि उल्लेख्य वृद्धि भएको देखिन्छ । कम्पनीको गत आर्थिक वर्षको कुल सञ्चालन आम्दानी ७७ करोड ६२ लाख ३८ हजार रुपैयाँ रहेको छ भने अघिल्लो आर्थिक वर्षको सोही अवधिमा कम्पनीले सञ्चालन आम्दानी ३९ करोड ३२ लाख ४९ हजार रुपैयाँ कमाएको थियो ।
यसो त सञ्चालन मुनाफामा पनि सोही अनुसार वृद्धि भएको छ । कम्पनीको सञ्चालन मुनाफा एक वर्षमा ३७ करोड ८० लाख १९ हजार रुपैयाँले बढेको छ । कम्पनीले गत आर्थिक वर्षमा सञ्चालन मुनाफा ४९ करोड ९७ लाख ६ हजार रुपैयाँ कमाएको छ भने अघिल्लो आर्थिक वर्षमा १२ करोड १६ लाख ८७ हजार रुपैयाँ कमाएको थियो । जुन गत आर्थिक वर्षको तुलनामा ३१० प्रतिशतले कम हो ।
त्यसैगरी कम्पनीले नियमित कारोबारबाट पनि ४९ करोड ९७ लाख रुपैयाँ आर्जन गरेको छ । गत आर्थिक वर्षमा यस्तो आम्दानी १२ करोड १६ लाख रुपैयाँ रहेको थियो ।
यता कम्पनीको कर्मचारीलाई दिएको बोनश पनि बढेको छ । कम्पनीले कर्मचारीलाई गत आर्थिक वर्षमा ४९ करोड ९७ लाख रुपैया बोनश दिएको हो जबकी अघिल्लो आर्थिक वर्षमा १२ करोड १६ लाख रुपैयाँ मात्रै दिएको थियो ।
कम्पनीले चुक्ता पुजीँपनि वृद्धि गरेको छ । हाल कम्पनीको चुक्ता पुजीँ ५८ करोड ६६ लाख ७४ हजार रुपैयाँ रहेको छ । जगेडा कोषमा ३४ करोड ८१ लाख ९८ हजार रुपैयाँ रहेको यो कम्पनीको प्रतिशेयर आम्दानी ९९.२३ रुपैयाँ रहेको छ ।
वि.सं.२०७८ माघ २६ बुधवार १५:०६ मा प्रकाशित
