काठमाडौँ । आइएमई जनरल इन्स्योरेन्स कम्पनी लिमिटेडको हकप्रद सेयरमा आवेदन दिनको लागि योग्य लगानीकर्ता बन्ने आज अन्तिम मौका रहेको छ ।
अर्थात ४६ लाख बढी कित्ता हकप्रद सेयर जारी गर्न लागेको आईएमइ जनरलले भोलीबाट सोही प्रयोजनका लागि बुक क्लोज गर्न लागे हो ।
कम्पनीले हकप्रद प्रयोजनका लागि फागुन १ गते, आइतबार बुकक्लोज गर्ने निर्णय गरेको छ । आइतबार भन्दा अगाडी सेयर बजार कारोबार हुने आज अन्तिम दिन हो ।
आज माघ २७ गते, बिहीबारसम्म नेपाल स्टक एक्सचेञ्ज (नेप्से) मा कारोबार भई कायम हुने सेयरधनीहरूले मात्र हकप्रद सेयर भर्न सक्नेछन् ।
कम्पनीले १ः०.४० अनुपातमा हकप्रद सेयर निष्कासन गर्न लागेको हो । कम्पनीले चुक्ता पूँजीको ४० प्रतिशत अर्थात ४६ करोड ३० लाख ३४ हजार ४०० रुपैयाँ बराबरको ४६ लाख ३० हजार ३ सय ४४ कित्ता हकप्रद सेयर निष्कासन गर्नेछ ।
कम्पनीले हकप्रद सेयर निष्कासनका लागि बिक्री प्रबन्धकमा ग्लोबल आइएमई क्यापिटल लिमिटेडलाई नियुक्त गरेको छ ।
वि.सं.२०७८ माघ २७ बिहीवार ११:१२ मा प्रकाशित