काठमाडौं । राष्ट्रिय बीमा कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरिेको छ ।
विवरण अनुसार उक्त अवधिमा कम्पनीले १९ करोड ४३ लाख १५ हजार रुपैया नाफा कमाएको छ । जुन गत वर्षको पुस मसान्तसम्मको तुलनामा ४१.४२ प्रतिशतले बढी हो । गत वर्षको सोही अवधिमा कम्पनीले १३ करोड ७४ लाख १ हजार रुपैयाँ खुद नाफा गरेको थियो ।
चालु आवको ६ महिनामा कम्पनीको खुद बीमा शुल्क आर्जन रकम भने झिनो वृद्धि भएको छ । उक्त अवधिमा कम्पनीले १२ करोड ८८ लाख ८९ हजार रुपैयाँ बीमा शुल्क आर्जन गरेको हो ।
कम्पनीको यो शुल्क गत वर्षको पुस मसान्तसम्ममा भने १२ करोड ८७ लाख ७७ हजार रुपैयाँ रहेको थियो । चालु आवको पुस मसान्तसम्मको कुल बीमा शुल्क आर्जन रकम भने ५९ करोड ३५ लाख १४ हजार रुपैयाँ रहेको छ । उक्त अवधिमा कम्पनीले २३ करोड ६ लाख २८ हजार रुपैयाँ कुल दावी भुक्तानी गरेको छ ।
कम्पनीको चुक्ता पुँजी २६ करोड ६६ लाख ३९ हजार रुपैयाँ रहेको छ । कम्पनीको जगेडा कोषमा भने ३ अर्ब २४ करोड ५६ लाख ७० हजार रुपैयाँ र बीमा कोष २ अर्ब ५२ करोड ७३ लाख ३८ हजार रुपैयाँ राखेको छ ।
कम्पनीको प्रतिसेयर आम्दानी भने ४२ रुपैयाँ ६९ पैसाले वृद्धि भई १ हजार ४५ रुपैयाँ ७५ पैसा कायम भएको छ । कम्पनीको प्रतिसेयर नेटवर्थ १ हजार १७ रुपैयाँ २५ पैसा रहेको छ ।
वि.सं.२०७८ माघ २७ बिहीवार १४:३७ मा प्रकाशित
