काठमाडौं । हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी (एचआईडीसीएल)ले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको ६ महिनामा कम्पनीले ४५ करोड ३६ लाख ४४ हजार रुपैयाँ नाफा कमाएको छ । कम्पनीको यो नाफा गत वर्षको पुस मसान्तसम्मको तुलनामा भने ५.९१ प्रतिशतले बढी हो । गत वर्षको सोही अवधिमा कम्पनीको नाफा ४२ करोड ८३ लाख १८ हजार रुपैयाँ रहेको थियो ।
कम्पनीको ग्राहक सम्झौता अन्तर्गतको आम्दानी ५७.९१ प्रतिशतले बढेर ४ लाख ३९ हजार रुपैयाँ पुगेको छ । चालु आवको पुस मसान्तसम्ममा कम्पनीको वित्तीय आम्दानी भने २.३१ प्रतिशतले वृद्धि भई ६९ करोड ४७ लाख २२ हजार रुपैयाँ पुगेको छ । जसका कारण खुद नाफा बढ्नमा टेवा पुगेको हो ।
कम्पनीको चुक्ता पुँजी १८ अर्ब ७० करोड रुपैयाँ रहेको छ । कम्पनीको जगेडा तथा कोषमा भने २ अर्ब ७१ करोड ३८ लाख ४३ हजार रुपैयाँ राखेको छ ।
कम्पनीको प्रतिशत सेयर आम्दानी भने ३४ पैसाले घटेर ४ रुपैयाँ ८५ पैसा कायम भएको छ । प्रतिसेयर नेटवर्थ १०६ रुपैयाँ ३ पैसा कायम भएको छ ।
वि.सं.२०७८ माघ २८ शुक्रवार १०:४५ मा प्रकाशित