काठमाडौँ । आइएमई जनरल इन्स्योरेन्सको नाफामा करिब २० प्रतिशतको गिरावट आएको छ ।
गत आर्थिक वर्षको दोस्रो त्रैमासमा कम्पनीले गरेको नाफाको तुलनामा यो त्रैमासको नाफा कम भएको हो ।
आईएमई जनरलले गत आर्थिक वर्षको दोस्रो त्रैमाससम्म १५ करोड २ लाख रुपैयाँ कमाएको थियो भने यो आर्थिक वर्षको सोही अवधिमा मात्रै १२ करोड १३ लाख रुपैयाँ मुनाफा गरेको हो । यो गत आर्थिक वर्षको सोही अवधिको नाफाको तुलनामा १९.२३ प्रतिशतले कम हो ।
नाफामा गिरावट आएपछि बीमा शूल्क आर्जनमा भने वृद्धि भएको छ । कम्पनीले गत आर्थिक वर्षको पुसमसान्तसम्म ७१ करोड १३ लाख रुपैयाँ खुद बिमा शूल्क आर्जन गरेको थियो । चालु आर्थिक वर्षको पुससम्म भने कम्पनीले ८२ करोड ६६ लाख रुपैयाँ खुद बिमाशूल्क आर्जन गरेको हो । यो रकम गत वर्षको तुलनामा १६.२० प्रतिशतले बढी हो ।
समिक्षा अवधिमा कम्पनीले २ हजार ५ सय ६१ हजार जनालाई ४२ करोड ८ लाख ३६ हजार रुपैयाँ दाबी भुक्तानी गरेको छ । जबकी गत आर्थिक वर्षको सोही अवधिमा १ हजार ७ सय ३२ जनालाई २९ करोड १० लाख ७९ हजार रुपैयाँ भुक्तानी गरेको थियो ।
यसैगरी कम्पनीले यो आर्थिक वर्षमा अझै १ अर्ब २० करोड १९ लाख ३६ हजार रुपैयाँ दाबी भुक्तानी गर्न बाँकी छ ।
बीमाशूल्क आर्जन बढेसँगै अभिकर्ता कमिशनमा पनि वृद्धि भएको छ । कम्पनीले अभिकर्ता कमशिनको लागि १ करोड ८२ लाख ५३ हजार रुपैयाँ दिएको छ भने गत आर्थिीक वर्षको पुससम्म अभिकर्तार्लाइ कमिशन स्वरुप कम्पनीले मात्रै १ करोड ४८ लाख ५६ हजार रुपैयाँ भुक्तानी गरेको थियो ।
कम्पनीको चुक्ता पुजीँ १ अर्ब १५ करोड ७५ लाख ८५ हजार रुपैयाँ कायम भएको छ । यसको जगेडा कोषमा ३० करोड ४२ लाख ४६ हजार रुपैयाँ रहेको छ ।
कम्पनीको प्रतिशेयर आम्दानी २० रुपैयाँ ९७ पैसा रहेको छ भने प्रति शेयर नेटवर्थ १७२.११ रुपैयाँ कायम रहेको छ ।
वि.सं.२०७८ माघ २८ शुक्रवार ११:४८ मा प्रकाशित
