काठमाडौं । उन्नति सहकार्य लघुवित्त वित्तीय संस्थाले चालु आर्थिक २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको पुस मसान्तसम्म २ करोड ७४ लाख ३६ हजार रुपैयाँ नाफा गरेको छ । जुन गत वर्षको सोही अवधिको तुलनामा भने ४१.९२ प्रतिशतले कमी हो । गत वर्षको पुस मसान्तमा कम्पनीले ४ करोड ७२ लाख ४० हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी भने १८.२३ प्रतिशतले वृद्धि भई १२ करोड १५ लाख ४८ हजार रुपैयाँ पुगेको छ । गत वर्षको सोही अवधिमा कम्पनीको यो आम्दानी १० करोड २८ लाख ३ हजार रुपैयाँ रहेको छ ।
चालु आवको पुस मसान्तसम्ममा कम्पनीको संचालन मुनाफा ४ करोड ३५ लाख ४९ हजार रुपैयाँ रहेको छ । यो मुनाफा गत वर्षको सोही अवधिको तुलनामा भने ३४.६६ प्रतिशतले कमी हो ।
कम्पनीको खराब कर्जा भने ३.९५ प्रतिशतले वृद्धि भई ५.८४ पुगेको छ । कम्पनीको चुक्ता पुँजी १७ करोड ६१ लाख ६९ हजार रुपैयाा रहेको छ । कम्पनीले जगेडा तथा कोषमा भने १३ करोड १४ लाख १२ हजार रुपैयाँ राखेको छ ।
कम्पनीको प्रतिसेयर आम्दानी ३१ रुपैयाँ १५ पैसा र प्रतिसेयर नेटवर्थ १७४ रुपैयाँ ५९ पैसा रहेको छ ।
वि.सं.२०७८ माघ २८ शुक्रवार १३:१३ मा प्रकाशित
