काठमाडौँ । एभरेष्ट इन्स्योरेन्सको चालु आर्थिक वर्षमा दोस्रो त्रैमासको खुद बिमा शुल्क संकलनामा सामान्य सुधार देखिएको छ ।
कम्पनीले गत आर्थिक वर्षको सोही अवधिको तुलनामा चालु आर्थिक वर्षमा खुद बिमाशुल्क आजर्नन २२.३९ प्रतिशतले बढाएको हो ।
बिमाशुल्क बढेपनि कम्नीको नाफामा भने गिरावट आएको छ । कम्पनीको नाफामा १९.२० प्रतिशतले गिरावट आएको हो ।
गत आर्थिक वर्षको सोही अवधिमा ७ करोड ४२ लाख ७५ हजार नाफा कमाएको एभरेष्टले चालु आर्थिक वर्षको सोही अवधिमा मात्रै ६ करोड नाफा कमाएको हो ।
यसैगरी कम्पनीले समिक्षा अवधिमा दाबी भुक्तानी स्वरुप ३४ करोड ६ लाख रुपैयाँ प्रवाह गरेको छ भने गत वर्ष सोही अवधिमा ४० करोड ७८ लाख रुपैयाँ दाबी भुक्तानी गरेको थियो ।
कम्पनीको चुक्तापुजी १ अर्ब १८ करोड ३६ लाख रहेको छ । त्यस्तै जगेडा कोषमा ४१ करोड ३८ लाख रुपैयाँ रहेको यस एभरेष्ट इन्स्योरेन्सको प्रतिशेयर आम्दानी १०.१४ रुपैयाँ रहेको छ भने प्रति शेयर नेटवर्थ १७३.५१ प्रतिशत रहेको छ ।
वि.सं.२०७८ माघ २८ शुक्रवार १४:२६ मा प्रकाशित