काठमाडौँ । सातको पहिलो कारोबार दिन आज बजारमा भारी अंकको गिरावट आएको छ । यो दिन बजार १००.६७ अंकले घटेको छ ।
चुनावको मिति तयभएसँगै आज बजार बढ्ने आंकलन धेरै लगानीकर्ताको भएपनि विभिन्न कारणले गर्दा बजारमा भारी गिरावट आएको हो ।
एकातर्फ प्रधानन्यायाधीश चोलेन्द्र शम्शेर जबरा विरुद्ध महाअभियोग दर्ता र अर्काेतर्फ आज बैंकहरुले निक्षेपमा ब्याजदर वृद्धि गरी सार्वजनीक गरेसँगै बजारमा भारी गिरावट आएको हो ।
एउटा कम्पनीको पनि बढेन सेयरमूल्य
आज २२७ स्क्रिप्टको कारोबार भयो त्यसमध्ये १९१ वटा कम्पनीहरुमात्रै रहेको थिए । कारोबारमा आएका त्यी कम्पनीहरुमध्ये कुनैको पनि सेयर मूल्यमा वृद्धि भएन । स्वाभिमान लघिवित्त वित्तीय संस्थाको भने सेयर मूल्य स्थिर रहेको छ बाँकी १९० कम्पनीको सेयर मूल्यमा गिरावट आएको छ ।
सेयरमूल्य बढ्नेमा फण्डमात्रै
आज मात्रै पाँच स्क्रिप्टको सेयर मूल्यमा वृद्धि भयो । यो दिन एनआईबीएल समृद्धि फण्ड–२, सनराइज ब्लुचीप फण्ड, नविल ब्यालेन्स फण्ड–३, मेगा म्यच्युअल फण्ड–१ लक्ष्मी उन्नती कोषको सेयरमूल्यमा मात्रै वृद्धि भएको छ । यद्यपी यी स्क्रिपटको सेयर मूल्यमा पनि २ प्रतिशत मूल्यवृद्धि पुग्न सकेन । सबैको २ प्रतिशत भन्दा कम नै मूल्य वृद्धि भयो ।
कारोबार रकममा भने सुधार,
पछिल्ला दुई कारोबारको तुलनामा आज कारोबार रकममा भने सुधार आएको छ । यो दिन १ करोड १६ लाख ६१ हजार ६३९ कित्ता सेयर किनबेच हुँदा ५ अर्ब ९७ करोड ७२ लाख रुपैयाँ बराबरको कारोबार भएको छ । जबकी बिहीबार मात्रै ३ अर्ब ८२ करोड ९५ लाखको कारोबार भएको थियो ।
वि.सं.२०७८ फागुन १ आइतवार १५:४० मा प्रकाशित