काठमाडौं । राष्ट्र उत्थान लघुवित्त वित्तीय संस्थाको आईपीओ आजदेखि निष्काशन तथा बिक्री खुला भएको छ ।
कम्पनीले ८ करोड ५० लाख रुपैयाँ बराबरको ८ लाख ५० हजार कित्ता आईपीओ निष्काशन तथा बिक्री खुला गर्न लागेको हो ।
कम्पनीले निष्काशन गर्न लागेको कुल ८ लाख ५० हजार कित्ता सेयरमध्ये १३ हजार कित्ता कर्मचारीहरुलाई, ४२ हजार ५०० कित्ता सामूहिक लगानी कोषहरुलाई सुरक्षित गरेको छ भने बाँकी ७ लाख ९४ हजार ५०० कित्ता सर्वसाधारणका लागि छुट्याएको छ ।
सर्वसाधारणका लागि छुट्याएको कुल सेयरमध्ये रित पूर्वक आवेदन दिने ७९ हजार ४५० जनाले १०/१० कित्ता दरमा पाउने छन् ।
उक्त आईपीओ छिटोमा फागुन ८ गते र माग बमोजिम आवेदन नपरेको खण्डमा फागुन १८ गतेसम्म आवेदन दिन सकिने कम्पनीले जनाएको छ ।
कम्पनीका अनुसार उक्त आईपीओमा न्यूनतम १० कित्ता र अधिकतम १ हजार कित्तासम्मका लागि आवेदन दिन सकिनेछ ।
आईपीओ निष्काशन तथा बिक्री प्रवन्धक एनआईबिएल एस क्यापिटल लिमिटेड रहेको छ ।
वि.सं.२०७८ फागुन ४ बुधवार १०:२२ मा प्रकाशित