काठमाडौं । आत्मनिर्भर लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
कम्पनीले चालु आवको ६ महिनाको अवधिमा ४ करोड ७९ लाख ६९ हजार रुपैयाँ नाफा कमाएको छ । कम्पनीको यो नाफा गत वर्षको पुस मसान्तसम्मको तुलनामा भने ४२.७० प्रतिशतले बढी हो । गत वर्षको सोही अवधिमा कम्पनीले ३ करोड ३६ लाख १३ हजार रुपैयाँ गरेको थियो ।
उक्त अवधिमा कम्पनीको खुद ब्याज आम्दानी पनि ५५.२९ प्रतिशतले वृद्धि भई ६ करोड ७५ लाख २८ हजार रुपैयाँ पुगेको छ । कम्पनीको यो आम्दानी गत वर्षको सोही अवधिमा भने ४ करोड ३४ लाख ८४ हजार रुपैयाँ रहेको थियो ।
चालु आवको ६ महिनाको अवधिमा कम्पनीको संचालन मुनाफा पनि १८२.८८ प्रतिशतले वृद्धि भई ५ करोड ९३ लाख १५ हजार रुपैयाँ पुगेको छ । गत वर्षको सोही अवधिमा भने कम्पनीको यो मुनाफा २ करोड ९ लाख ६८ हजार रुपैयाँ रहेको थियो ।
कम्पनीको चुक्ता पुँजी ४ करोड २० लाख रुपैयाँ रहेको छ । कम्पनीले जगेडा तथा कोषमा भने १५ करोड ३२ लाख ३६ हजार रुपैयाँ राखेको छ ।
कम्पनीले खराब कर्जामा भने केही सुधार गरेको छ । गत वर्षको पुस मसान्तसम्ममा ४.५८ प्रतिशत रहेको खराब कर्जा यस वर्षको सोही अवधिमा भने घटेर ४.१८ प्रतिशतमा झारेको छ ।
वि.सं.२०७८ फागुन ५ बिहीवार ११:५६ मा प्रकाशित