काठमाडौं । मल्टीनेशनल कम्पनीदेखि ८८४ कम्पनीसँगको कारोबार रोक्का गरेको छ । विरयुनिलिभरसँग कारोबार रोक्का गरेको छ । कार्यालयले आर्थिक बर्ष २०६०÷६१ देखिको बेरुजुरु रहेको भन्दै मल्टीनेशनल कम्पनी युनिलिभर, सूर्य नेपाल, एसियन पेन्ट नेपाल टेलिकमसहित ८८४ कम्पनीको कारोबार रोक्का गरेको हो ।
विरगंज भन्सार कार्यालयका अनुसार ति कम्पनीहरुले करिव १७ करोड रुपैयाँ दाखिला गर्न बाँकी रहेको छ । विरगंज भन्सार कार्यालयका प्रमुख अरुण पोखरेलका अनुसार उनीहरुले तिर्नपर्ने रकम दाखिला नगरेसम्म उनीहरुसँगको कारोबार खुल्ला नगर्ने निर्णय भएको छ ।
चालु आर्थिक वर्षको सात महिनामा सो भन्सार कार्यालयले ५ करोड ६५ लाख रुपैयाँ बराबरको सामान जफत गरेको पनि जनाएको छ । राष्ट्र बैंकले आयातमा कडाइ गरेसँगै भन्सार कार्यालय विरजंजले पनि भन्सारमा कडाई गरिएको र आजै (फागुन ९ गते) पनि भन्सार कार्यालयले ३५ लाख रुपैयाँ बराबरको कपडा बरामद गरेको जनाएको छ । भन्सार कार्यालयले चालु आर्थिक वर्षको ७ महिनामा राजस्व संकलनको १०३ प्रतिशत लक्ष्य प्राप्ति गरेको जनाएको छ ।
वि.सं.२०७८ फागुन ९ सोमवार १४:५५ मा प्रकाशित