काठमाडौ । सहकारी अभियानका नेताहरुले सहकारी विभाग घेराउ गरी नयाँ सन्दर्भ व्याजदर तोक्न दवाव दिएपनि विभागले तोक्न सकेन । मंगलबार बसेको सन्दर्भ व्याजदर निधारण समितिले उपसमितिले दिएको प्रतिवेदन अध्ययनका लागि समय माग गरेपछि मंगलबार व्याजदर तोक्न नसकेको विभागका उपरजिष्टर खिमानन्द आचार्यले बताए ।
मंगलबार साढे २ घण्टा समितिको छलफल हुदा समेत निष्कर्ष ननिस्किएपछि २ दिनपछि अर्को बैठक बस्ने भन्दै टुंगिएको हो । ‘ब्याजदर अध्ययन प्राविधिक उपसमितिले दिएको प्रतिवेदन थप अध्ययन गर्नका लागि समय चाहिएकाले २ दिनपछि बैठक बस्ने निर्णय भएको छ । ‘आचार्यले भने ।
अर्थमन्त्रालय, सहकारी मन्त्रालय र राष्ट्र बैंकका प्रतिनिधिले उपसमितिले व्याजदर तोक्नका लागि मन्त्रीहरुको अनुमति अनिवार्य चाहिने भन्दै रोकेको समितिका एक सदस्यले बताए ।
सहकारी अभियानले भने ब्याज नबढे राष्ट्रिय सहकारी महासंघले नै ब्याज निर्धारण गर्ने चेतावनी दिइसकेको थियो । विभाग परिसरमा सहकारीकर्मीले बिहान ११ बजेदेखि धर्ना दिइरहेका थिए ।
सहकारी विभागका रजिष्ट्रार रुद्रप्रसाद पण्डितलाई भेटेर तीन तीनभित्र ब्याजदर निर्धारण गर्न अनुरोध गरेपनि समय घर्घिसकेको छ ।
वि.सं.२०७८ फागुन १० मंगलवार १७:३० मा प्रकाशित