काठमाडौं । काठमाडौं । नेपाल क्रेडिट एण्ड कमर्स (एनसीसी) बैंकले संस्थापक सेयर बिक्री गर्ने भएको छ ।
बैंकले १२ जना संस्थापक सेयरधनीहरुको नाममा रहेको ४ लाख ५३ हजार कित्ता बढी संस्थापक सेयर बिक्री गर्न लागेको हो ।
बैंकले संस्थापक सेयरधनी भेषराज लोहनीको नाममा रहेको ८० हजार २१४ कित्ता, विदुषा ओझाको १६ हजार ६५६ कित्ता, विष्णुनाथ श्रेष्ठको २ हजार ६२३ कित्ता, रामकृष्ण शाहको नाममा रहेको ७ हजार ६२५ कित्ता, यमुना देवी श्रेष्ठको ३० हजार कित्ता, निरुमान शाक्यको ९४ हजार ३२३ कित्ता संस्थापक सेयर बिक्री गर्न लागेको हो ।
यस्तै, उषा घिमिरेको ५५ हजार ८७१ कित्ता, रोशनी तारा तुलाधर ६२ हजार ८८० कित्ता, कामना रेग्मीको ८७ हजार ६५ कित्ता, रिता रानामगरको ५ हजार ८५, प्रविन शाक्यको १० हजार १६७ कित्ता र रामशरण ढुंगानाको ५८४ कित्ता संस्थापक सेयर बिक्री गर्न लागेको हो ।
उक्त सेयर खरिदका लागि बैंकका विद्यमान संस्थापकहरुले आवेदन दिन सक्नेछन् । स्थापकहरुले आजैका मितिले ३५ दिनभित्र बैंकको बागबजार काठमाडौं स्थित सेयर विभागमा लिखित निवेदन दिन सक्नेछन् ।
तोकिएको उक्त म्याभित्र संस्थापक सेयरधनीबाट सेयर खरिदका लागि कुनै पनि प्रस्ताव नआएमा अन्य बिक्री प्रक्रिया अगाडि बढाईने बैंकले जनाएको छ ।
वि.सं.२०७८ फागुन १३ शुक्रवार ११:३९ मा प्रकाशित