काठमाडौं । साताको पहिलो कारोबार दिन सुनको मूल्यमा गिरावट आएको छ । नेपाली बजारमा छापावाला सुनको भाउ प्रतितोला १ हजार ४ सय रुपैयाँले घटेको हो ।
अघिल्लो कारोबार दिन अर्थात शुक्रबार ९८ हजार रुपैयाँमा खरिदबिक्री भएको सुन आज घटेर ९६ हजार ६ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य ९६ हजार १ सय रुपैयाँ तोकिएको हो । तेजावी सुन शुक्रबार ९७ हजार ५ रुपैयाँमा कारोबार भएको छ ।
यस्तै, आइतबार चाँदीको मूल्यमा पनि गिरावट आएको छ । उक्त दिन चाँदी प्रतितोला ४० रुपैयाँले घटेर १ हजार २९५ रुपैयाँ कायम भएको छ । चाँदी शुक्रबार १ हजार ३३५ रुपैयाँमा कारोबार भएको थियो ।
वि.सं.२०७८ फागुन १५ आइतवार ११:१२ मा प्रकाशित
