काठमाडौं । कृषि विकास बैंकले सेयरधनीहरुको हितग्राही खाता (डिम्याट) मा बोनस सेयर जम्मा गरिदिएको छ ।
बैंकले पुस २९ गते सम्पन्न १५औं वार्षिक साधारण सभाबाट पारित २० प्रतिशत बोनस सेयर सेयरधनीहरुको हितग्राही खातामा जम्मा गरेको हो ।
बैंकले एक सूचना निकाल्दै नेपाल स्टक एक्सचेञ्ज र सिडीएस एण्ड क्लियरिङ्गमा सूचीकृत तथा दर्ता भई अभौतिक रुपमा कारोबार हुने व्यवस्था मिलाएको जानकारी गराएको हो ।
पुस १५ गतेसम्म अभौतिकीकरण गराएका शेयरधनीको हकमा सम्बन्धित हितग्राही खातामा नै जम्मा गरिदिएको र सो मितिपछि सेयर अभौतिकीकरण गराएका सेयरधनीको हकमा पनि क्रमशः बोनस सेयर जम्मा हुने सूचनामा उल्लेख छ।
वि.सं.२०७८ फागुन १८ बुधवार १०:५९ मा प्रकाशित
