काठमाडौं । नेपालका लागि टाटा मोटर्सको आधिकारिक बिक्रेता सिप्रदी ट्रेडिङ प्रालिले होली सर्भिस क्याम्प संचालनमा ल्याएको छ ।
कम्पनीले “नियमित चलाउँदा-चलाउँदा गाडीमा आउन सक्छ है खराबी होलि सर्भिस क्याम्पमा चेकअप गर्न ल्याऔं है आफ्नो गाडी” भन्ने नारासहित कम्पनीले होली विशेष क्याप संचालनमा ल्याएको हो ।
होली सर्भिस क्याम्पका आकर्षणहरु अन्तर्गत टाटा जेनुइन स्पेयर पार्टसमा ७ प्रतिशत छुट, गीयर बक्स तथा क्राउन ओभरहल गर्दा स्पेयर पार्टसमा १० प्रतिशत छुटको साथै स्पेयर पार्टसमा ६ महिनाको वारेन्टी सुविधा दिएको छ ।
कम्पनीका अनुसार इन्जिन आयल, क्राउन आयल तथा गीयर आयलमा १५ प्रतिशत छुट ब्रेक आयल, स्टेरिङ्ग आयल, हाइड्रोलिक आयल, कल्च आयल तथा डिईएफमा २० प्रतिशत छुटको व्यवस्था रहेको छ ।
यसका साथै निःशुल्क इन्जिन हेल्थ चेक अप, तथा संजिवनी योजनामा इन्जिन बनाउदाँ आकर्षक उपहार, निःशुल्क एफआईपी, इलेक्ट्रिकल चेक तथा कम्प्युटर डाइग्नोसिसको सुविधा रहेको कम्पनीले जनाएको छ ।
प्रि सर्भिस बुकिङ्ग गरेर आएको खण्डमा सर्भिसिङ्गको काम २ घण्टा, एग्रिगेट ओभरहलको काम ४८ घण्टा र इन्जिन ओभरहलको काम ६ दिन भित्र सकिने ग्यारेन्टी रहेको कम्पनीले जनाएको छ । उक्त क्याप आज अर्थात फागुन २२ गतेदेखि चैत २ गतेसम्म संचालन हुनेछ ।
वि.सं.२०७८ फागुन २२ आइतवार १६:३६ मा प्रकाशित