काठमाडौं । बुधवार सेयर बजारमा दोहोरो अंकको गिरावट आएको छ । उक्त दिन बजार ३०.२९ अंकले घटेको हो ।
आज बजार परिसुचक २५१४.६५ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
आज कारोबार रकममा पनि गिरावट देखिएको छ । उक्त दिन २ अर्ब ३५ करोड २३ लाख १७ हजार रुपैयाँ बराबरको सेयर खरिदबिक्री भएको हो ।
आज नेपाल टेलिकम र एनआईसी एशिया बैंकको सेयरमा लगानीकर्ताहरुको आकर्षण देखिएको छ । आज नेपाल टेलिकमको १० करोड ५२ लाख २१ हजार रुपैयाँ बराबरको सेयर कारोबार भएको हो ।
कम्पनीको ६२ हजार ८९७ कित्ता सेयर खरिदबिक्री भएको छ । कम्पनीको सेयर मूल्य भने प्रतिकित्ता १ हजार ६८० रुपैयाँ रहेको छ ।
यस्तै, कारोबार रकमको आधारमा दोस्रो स्थानमा रहेको एनआईसी एशिया बैंकको १० करोड ४८ लाख ५१ हजार रुपैयाँ बराबरको सेयर किनबेच भएको छ ।
बैंकको आज १ लाख ३८ हजार ७७६ कित्ता सेयर खरिदबिक्री भएको हो । बैंकको सेयर मूल्य भने प्रतिकित्ता ७६० रुपैयाँ रहेको छ ।
वि.सं.२०७८ फागुन २५ बुधवार १५:५७ मा प्रकाशित