काठमाडौं । कामना सेवा विकास बैंकद्वारा नेशनल पेमेन्ट स्विच अन्तर्गतको नेपाल पे क्यूआर को लागि आफ्नो व्यावसाय रहेको ग्राहकहरुलाई नेपाल पे क्यूआर सुबिधा प्रदान गर्न सुरु गरेका छन् । यस मार्फत कामना सेवा बैंकका आफ्नो व्यावसाय रहेको ग्राहकहरुलाई क्यूआर पेमेन्ट मार्फत भुक्तानी प्राप्त गर्न सहज हुनेछ ।
नेपाल पे क्यूआर नेपाल राष्ट्र बैंकले जारी गरेको र NCHL द्वारा संचालित क्यूआरको माप्दण्ड कार्यान्वयन गर्ने प्रमुख पुर्वाधार हो जस्ले नेट्वर्क र मर्चेन्ट स्तरमा स्वतन्त्र योजनामा काम गर्न र अन्तरसंचालनमा मद्दत गर्नेछ । कामना सेवा विकास बैंक नेशनल पेमेन्ट स्विचमा आबद्ध हुने विकास बैंक मध्ये पहिलो विकास बैंक र नेपाल पे क्यूआर लाई समर्थन गर्ने पहिलो विकास बैंक रहेको छ ।
यससँगै, कामना सेवाका आफ्नो व्यावसाय रहेको ग्राहकहरुले अब नेपाल पे क्यूआर मार्फत सक्षम भएका कुनै पनि उपकरणहरूद्वारा आफ्ना ग्राहकहरूबाट प्राप्त भएको भुक्तानी व्यवस्थापन गर्न मर्चेन्टको रूपमा दर्ता गर्न सक्नेछन् ।
वि.सं.२०७८ फागुन २७ शुक्रवार १६:४४ मा प्रकाशित
