काठमाडौं । शिखर इन्स्योरेन्स कम्पनीको हकप्रद सेयर भोलिदेखि निष्काशन हुने भएको छ ।
कम्पनीले ३० प्रतिशत अर्थात् १ बराबर शून्य दशमलव ३ अनुपातमा १०० रुपैयाँ अंकित दरका ५२ करोड ७५ लाख ५७२ रुपैयाँ बराबरको हकप्रद सेयर निष्काशन तथा बिक्री खुला गर्न लागेको हो ।
कम्पनीले ५२ लाख ७५ हजार ५७२ कित्ता हकप्रद निष्काशन तथा बिक्री खुला गर्न लागि कम्पनीले माघ २१ गते बुकक्लोज गरेको थियो ।
यसका आधारमा माघ २० गतेसम्म कायम कम्पनीका सेयरधनीहरुले मात्र उक्त हकप्रदमा आवेदन दिन पाउनेछन् । आवेदन चैत २१ गतेसम्म आवेदन दिन सकिनेछ ।
हकप्रद सेयरको बिक्री प्रबन्धक एनआईबिएल एस क्यापिटल लिमिटेड रहेको छ ।
वि.सं.२०७८ फागुन ३० सोमवार १३:३५ मा प्रकाशित
