काठमाडौं । आज दुई कम्पनीको लाभांश सुरक्षित गर्ने अन्तिम मौका रहेको छ । उक्त दिन गरिमा विकास बैंक र एनएलजी इन्स्योरेन्स कम्पनीको लाभांश सुरक्षित गर्ने अन्तिम मौका रहेको छ ।
यी दुवै कम्पनीहरुले चैत ४ गते अर्थात शुक्रबार बुक क्लोज मिति तय गरेका छन् । चैत ३ गते सार्वजनिक बिदा,शुक्रवार र शनिवार परेकाले बुधवारसम्म कायम सेयरधनीले साधारण सभामा भाग लिन र लाभांश पाउनेछन् ।
गरिमा विकास बैंकले साधारण सभा प्रयोजन र लाभांश वितरण प्रयोजनको लागि चैत ४ गतेदेखि १८ गतेसम्म बुक क्लोज गर्ने भएको छ ।
कम्पनीले गत आर्थिक वर्ष २०७७/७८ को मुनाफाबाट सेयरधनीलाई १६ प्रतिशत बोनस सेयर वितरण गर्ने प्रस्ताव गरेको छ । उक्त प्रस्ताव पारित गर्नका लागि बैंकले आगामी चैत १८ गते साधारण सभा बोलाएको छ ।
यस्तै, एनएलजी इन्स्योरेन्स कम्पनीको लाभांश सुरक्षित गर्ने अन्तिम दिन पनि बुधवारसम्म रहेको छ । कम्पनीले साधारण सभा र लाभांश वितरण प्रयोजनको लागि चैत ६ गते बुक क्लोज गर्ने भएको छ ।
कम्पनीले आव २०७७/७८ को मुनाफाबाट १० प्रतिशत बोनस सेयर र कर प्रयोजनका लागि ०.५२ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले चैत १७ गते साधारण सभा बोलाएको छ ।
वि.सं.२०७८ चैत २ बुधवार ११:१३ मा प्रकाशित