काठमाडौं । बुधवार सेयर बजारमा दोहोरो अंकको गिरावट आएको छ । उक्त दिन बजार १९.६५ अंकले घटेको हो ।
साताको अन्तिम कारोबार दिन बजार परिसुचक २६३१.३२ अंकको बिन्दुमा पुगेर बन्द भएको छ । उक्त कारोबार रकममा पनि गिरावट आएको छ । आज २ अर्ब ५७ करोड ४ लाख १ हजार रुपैयाँ बराबरको सेयर कारोबार भएको हो ।
उक्त दिन होटेल तथा पर्यटन ६६.६६ अंक, निर्जीबन बीमा समूह ७७.२३ अंकले वृद्धि भएको छ भने यी बाहेकका अन्य सबै समूहहरु राताम्मे बनेका छन् ।
बुधवार पनि नेपाल टेलिकमको सर्वाधिक सेयर कारोबार भएको छ । कम्पनीको आज १६ करोड ३५ लाख १ हजार रुपैयाँ बराबरको सेयर खरिदबिक्री भएको हो ।
कारोबार रकमकै आधारमा दोस्रो स्थानमा रहेको गरिमा विकास बैंकको १२ करोड २४ लाख ४९ हजार रुपैयाँ बराबरको सेयर किनबेच भएको छ ।
यस्तै, उक्त दिन अपि पावरको १० करोड ७८ लाख ९६ लाख रुपैयाँ बराबरको सेयर कारोबार भएको हो ।
वि.सं.२०७८ चैत २ बुधवार १५:११ मा प्रकाशित