काठमाडौं । गुराँस लाइफ इन्स्योरेन्सको राष्ट्रिय स्तरको अभिकर्ता उत्प्रेरणा सम्मान कार्यक्रम सम्पन्न भएके छ । सुन्दर पर्यटकीय स्थल पोखराको होटल ग्रान्डमा यही फागुन २२ गतेका दिन देश भरिका करिव ४०० उत्कृष्ट अभिकर्ताहरुको संलग्नतामा सो कार्यक्रम सम्पन्न भएको हो ।
उक्त कार्यक्रमको सञ्चालन कम्पनीका प्रशासन विभाग प्रमुख बोध लाल पुरीबाट भई स्वागत मन्तब्य कम्पनीका पोखरा क्षेत्रिय प्रमुख बाबुराम पौडेलले दिनु भयो । कम्पनीका उपप्रमुख कार्यकारी अधिकृत स्मृति राज कंडेल ज्यूले अभिकर्ताहरुको आर्थिक स्तर कसरी उकास्न सकिन्छ र कम्पनीको व्यवसायलाई कसरी सवल बनाई बीमा क्षेत्रमा योगदान गर्न सकिन्छ भनी प्रशिक्षण दिनुभयो ।
साथै, कम्पनीका प्रमुख कार्यकारी अधिकृत विपिनकुमार लालले अभिकर्ताहरु बीमा क्षेत्रको मेरुदण्ड भएकाले देशको अर्थतन्त्र माथि उकास्न अभिकर्ताहरुले आफ्नो पेशालाई अझ परिस्कृत, वस्तु निष्ठ तथा व्यवसायिक बनाउन सल्लाह सुझाव तथा हौसला प्रदान गर्नुभयो । उक्त कार्यक्रममा अभिकर्ताहरुलाई सकारात्मक उर्जा प्रदान तथा क्षमता अभिवृद्धी सम्बन्धि तालिम,उत्प्रेरक सुदिप वस्नेतले प्रदान गर्नुभयो ।
वि.सं.२०७८ चैत २ बुधवार १५:५४ मा प्रकाशित