काठमाडौं । साताको पहिलो कारोबार दिन सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला ६ सय रुपैयाँले घटेको हो ।
अघिल्लो कारोबार दिन अर्थात शुक्रबार तोलामा ९९ हजार ८ सय रुपैयाँमा खरिदबिक्री भएको सुन आज घटेको हो । योसंगै आज नेपाली बजारमा सुन ९९ हजार २ सय रुपैयाँ कारोबार हुने नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि तेजावी सुनको भाउ ९८ हजार ७ सय रुपैयाँ कायम भएको छ । तेजावी सुन शुक्रबार भने ९९ हजार ३ सय रुपैयाँमा कारोबार भएको थियो ।
यस्तै, आइतबार चाँदीको मूल्यमा पनि गिरावट आएको छ । आज चाँदी प्रतितोला १० रुपैयाँले घटेर १ हजार ३७५ रुपैयाँ कायम भएको छ । शुक्रबार भने चाँदी २ हजार ३८५ मा खरिदबिक्री भएको थियो ।
वि.सं.२०७८ चैत ६ आइतवार १०:५५ मा प्रकाशित