काठमाडौँ । सिटिजन लाइफ इन्स्योरेन्सका ग्राहक(बिमित) ले प्रिमियम भुक्तानी ‘खल्ती’ बाटै गर्न सक्ने भएका छन् ।
डिजिटल कारोबारलाई प्रोत्साहन गर्दै आएको सिटिजनले ग्राहकको अपेक्षालाई मध्यनजर गर्दै प्रिमियम खल्तिबाटै भुक्तानी गर्न सकिने व्यावस्था गरेको हो ।
समयको कमीका कारण ढिलो भुक्तानी गर्ने वा अफिस जानको लागि समय निकाल्ने ग्राहकहरूका लागि केही ट्यापमै बिल भुक्तानीलाई सजिलो बनाउने लक्ष्य लक्ष्यका साथ खल्तिसँग सहकार्य गरेको कम्पनीले जनाएको छ ।
सुविधा बारे बोल्दै खल्तीका प्रमुख कार्यकारी अधिकृत विनय खड्काले भने, “हाम्रा प्रयोगकर्ताहरूले डिजिटल बानी अपनाउन यस प्रकारको कुनै पनि प्रकारको वित्तीय लेनदेनहरू निर्बाध रूपमा कार्यान्वयन गर्न सक्ने सुनिश्चित गर्न काम गरिरहेका छौं र उनीहरूले समय र पैसा दुवै बचत गर्न सकून्।”
कम्पनीको प्रिमियम ‘खल्ती’ बाट यसरी तिर्न सकिन्छः
‘खल्ती’ एप लग–इन गरि “इन्स्योरेन्स” आइकन मा ट्याप गर्ने
“ सिटिजन लाइफ इन्स्योरेन्स” सेलेक्ट गर्ने
“DOB” र”Policy Number ” भर्ने र विवरणहरू प्राप्त गर्न ट्याप गर्ने
अब सम्पुर्ण विवरण दाखिला गरि “प्रोसिड टु पे” मा क्लिक गर्ने
खल्तिबाट पाँच हजार भन्दा बढी प्रिमियम भुक्तानीको लागि प्रयोगकर्ताहरूले खल्तीसँग आफ्नो केवाईसी भने अनिवार्य रुपमा भेरीफाई गर्नुपर्छ जसले प्रयोगकर्ताहरूलाई भुक्तानी सेवाहरूको विस्तृत दायराको मजा लिन सक्षम बनाउँछ।
वि.सं.२०७८ चैत ६ आइतवार १२:४६ मा प्रकाशित
