काठमाडौँ । साताको पहिलो कारोबार दिन आज सेयर बजारमा दोहोरो अंकको गिरावट आएको छ ।
बजार दोहोरो अंकल घटेपनि केही कम्पनीको सेयरमूल्य भने बढेको छ । यो दिन दुई कम्पनीको सेयर मूल्यमा सकरात्मक सर्किट नै लागेको छ भने केही कम्पनीहरुले सामान्य नाफा नै गरेका छन् ।
यो दिन राष्ट्र उत्थान लघुवित्त वित्तीय संस्था र इमर्जिङ नेपाल लिमिटेडको सेयर मूल्यमा सकरात्मक सर्किट लागेको हो ।
यो दिन राष्ट्र उत्थानको सेयरमूल्य ५६ रुपैयाँ ९० पैसाले बढेर प्रति कित्ता ६ सय २५ रुपैयाँ ९० पैसा पुगेको छ भने इमर्जिङको ४७ रुपैयाँले बढेर प्रतिकित्ता ५ सय १९ रुपैयाँ ८० पैसा कायम भएको छ ।
त्यस्तै यता निफ्रा र सप्तकोशि डेभलपमेन्ट बैंकको सेयर प्रतिकित्ता २ प्रतिशत भन्दा बढीले बढेको छ ।
यसैगरी जिवन विकास लघुवित्त र नारायणी डेभलपमेण्ट बैंकको सेयर मूल्य प्रतिकित्ता दुई प्रतिशतको दरले बढेको छ ।
वि.सं.२०७८ चैत ६ आइतवार १६:०३ मा प्रकाशित