काठमाडौँ । नेपाल राष्ट्र बैंकका दुई कार्यकारी निर्देशकको जिम्मेवारी फेरबदल भएकोछ ।
कार्यकारी निर्देशक देव कुमार ढकाल र डा. गुणाकर भट्टको जिम्मेवारी फेरबदल भएको हो।
बैंक सुपरिवेक्षण विभागमा प्रमुखको भूमिकामा रहेका डा गुणाकर भट्ट बैंक तथा वित्तीय संस्था नियमन विभाग प्रमुखको जिम्मेवारी पाएका हुन् भने बैंक तथा वित्तीय संस्थाको नियमन बिभागमा रहेका देव कुमार ढकाललाई बैंक सुपरिवेक्षण विभागको जिम्मेवारी दिइएको छ।
बैंक तथा वित्तीय संस्थाको नियमन बिभागलाई बैंक, विकास बैंक, फाइनान्स र लघुवित्तलाई नियमन गर्ने अधिकार दिईएको हुन्छ भने बैंक सुपरिवेक्षण विभागलाई भने कमर्शियल बैंकको मात्रै सुपरिवेक्षण गर्ने अधिकार दिईएको छ।
नियमन बिभागको जिम्मेवारी पाएका डा भट्ट नेपाल राष्ट्र बैंकका प्रमुख प्रवक्ता समेत हुन्।
वि.सं.२०७८ चैत ७ सोमवार ११:३६ मा प्रकाशित