काठमाडौं । भोलिदेखि ग्रीन भेन्चर्सले सर्वसाधारणका लागि आईपीओ निष्काशन गर्ने भएको छ ।
कम्पनीले भोलि अर्थात चैत ८ गतेदेखि प्रतिसेयर १०० रुपैयाँ अंकित मूल्यका ३१ लाख २५ हजार कित्ता आईपीओ गर्न लागेको हो ।
कम्पनीले निष्काशन गर्न लागेको कुल कित्ता मध्ये ९३ हजार ७५० कित्ता कर्मचारीहरुका लागि, १ लाख ५६ हजार २५० कित्ता सामूहिक लगानीकोषहरुका लागि बाँडफाँट गरेर बाँकी रहेको २८ लाख ७५ हजार कित्ता सर्वसाधारणमा सार्वजनिक निष्कासन गर्न लागेको हो ।
यो आईपीओ छिटोमा चैत ११ गतेसम्म बिक्रीमा रहनेछ भने उक्त अवधिसम्म माग बमोजिम आवेदन नपरेमा भने ढिलोमा चैत २२ गतेसम्म दिन सकिनेछ ।
आवेदकले न्यूनतम १० कित्ता देखि अधिकतममा ५० हजार कित्तासम्म आवेदन दिने सकिने व्यवस्था रहेको कम्पनीले जनाएको छ ।
कम्पनीको आईपीओ निष्काशन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ ।
वि.सं.२०७८ चैत ७ सोमवार १६:३७ मा प्रकाशित