काठमाडौं । नेपाल स्टक एक्सचेञ्ज (नेप्से) मा चार कम्पनीको करिब ५ करोड कित्ता बोनस सेयर सूचीकृत भएको छ ।
मंगलबार नबिल बैंकसहित चार कम्पनीको ४ करोड ९८ लाख ५६ हजार ४६६ कित्ता बोनस सेयर नेप्सेमा सूचीकृत भएको हो ।
नेप्सेमा नबिल बैंकको ३३.६० प्रतिशत, एक्सेल डेभलपमेन्ट बैंकको १२ प्रतिशत, स्वाभिमान लघुवित्त वित्तीय संस्थाको ३२.३० प्रतिशत र आरएमडिसी लघुवित्तको २० प्रतिशत बोनस बापतको सेयर सूचीकृत भएको हो ।
नेप्सेमा नबिल बैंकको ४ करोड ६५ लाख १७ हजार ३५५.८९ कित्ता, एक्सेल डेभलपमेन्ट बैंकको ९ लाख ७३ हजार ३४५.४६९७ कित्ता, स्वाभिमामन लघुवित्तको २ लाख ९७ हजार ३२१.५० कित्ता र आरएमडीसी लघुवित्तको २० लाख ६८ हजार ४४३ कित्ता बोनस सेयर सूचीकृत भएको हो ।
यी चारै वटा कम्पनीहरुको बोनस सेयर अब सम्वन्धित सेयरधनीहरुको हितग्राही खातामा आएपछि खरिदबिक्री हुनेछ ।
वि.सं.२०७८ चैत १५ मंगलवार १६:०१ मा प्रकाशित
