काठमाडौं । एनआईसी एसिया बैंकका प्रमुख कार्यकारी अधिकृत (सीईओ) रोशनकुमार न्यौपानेले २ करोड ४१ लाख रुपैयाँ तलब बुझेका छन् ।
बैंकको २४औं वार्षिक प्रतिवेदन अनुसार सीईओ न्यौपानेले गत वर्ष बैकबाट पारिश्रमिक स्वरुप उक्त रकम बुझेका हुन् ।
न्यौपानेले भत्तासहितको वार्षिक तलब १ करोड ८० लाख रुपैयाँ बुझेका छन् भने कर्मचारी बोनस बापत ५९ लाख ६४ हजार ७ सय १४ रुपैयाँ, अन्य सुविधा अन्तर्गत ७९ हजार ५ सय रुपैयाँ बुझेका छन् ।
यस्तै अन्य सुविधाअन्तर्गत २३ सय ५० रुपैयाँको बीमा र ९० हजारको सवारी कर समेत गरेर कुल २ करोड ४१ लाख ३६ हजार ५ सय ६४ रुपैयाँ प्रदान गरिएको छ ।
गत आवमा बैंकको कुल कर्मचारी खर्च मात्रै ३ अर्ब ३४ करोड ७९ लाख ३७ हजार ५८ रुपैयाँ रहेको छ ।
वि.सं.२०७८ चैत १५ मंगलवार १६:३९ मा प्रकाशित