काठमाडौं । ग्रीन भेन्चर्स कम्पनीको आईपीओ बाँडफाँडका लागि मिति तय भएको छ । कम्पनीको आईपीओ आउँदो चैत २० गते आइतबार हुने भएको हो ।
कम्पनीको आईपीओको प्रि–अलटमेन्ट मंगलबार सम्पन्न भएको छ । योसंगै बिक्री प्रबन्धक लक्ष्मी क्यापिटलले आईपीओ बाँडफाँडको तयारी गरेको हो ।
कम्पनीले गत चैत्र ८ गतेदेखि प्रतिकित्ता १०० रुपैयाँ अंकित दरका ३१ करोड २५ लाख रुपैयाँ बराबरको ३१ लाख २५ हजार ७ सय ५० कित्ता आईपीओ निष्काशन गरेको हो ।
जसमध्ये ९३ हजार ७ सय ५० कित्ता कर्मचारीहरुका लागि, १ लाख ५६ हजार २ सय ५० कित्तासामूहिक लगानी कोषका लागि र २८ लाख ७५ हजार कित्ता सर्वसाधारणका लागि छुट्याइएको थियो ।
कम्पनीको आईपीओमा २१ लाख ५७ हजार ६ सय ३१ जना आवेदकहरुले २ करोड ५९ लाख ४० हजार ५ सय ६० कित्ताका लागि आवेदन दिएका थिए । मागभन्दा धेरै आवेदन परेको हुनाले आईपीओ गोलाप्रथाद्वारा बाँडफाँड हुनेछ ।
रिट पूर्वक आवेदन दिने २ लाख ८७ हजार ५ सय जना सर्वसाधारण कम्पनीको १०/१० कित्ता सेयर हात पर्नेछन् भने बाँकीको हात खाली हुने देखिएको छ ।
वि.सं.२०७८ चैत १६ बुधवार १३:०३ मा प्रकाशित
