काठमाडौं । महुली लघुवित्त वित्तीय संस्थाले संस्थापक सेयर बिक्री गर्ने भएको छ ।
कम्पनीले केही संस्थापक सेयरधनीहरुको नाममा रहेको २५ हजार ४०० कित्ता संस्थापक सेयर आजदेखि बिक्रीमा ल्याएको हो ।
उक्त सेयरको बिक्री प्रतिकित्ता बिक्री मूल्य भने उल्लेख गरिएको छैन । उक्त सेयर खरिदका लागि कम्पनीका हाल कायम विद्यमान संस्थापक आवेदन दिन सक्नेछन् । आवेदन आजैका मितिले ३५ दिनभित्र कम्पनीको केन्द्रीय कार्यालय सप्तरीमा पुग्ने गरी दिनु पर्नेछ ।
तोकिएको उक्त म्यादभित्र विद्यमान संस्थापक सेयरधनीहरुबाट सेयर खरिदका लागि कुनै पनि निवेदन नआएको खण्डमा प्रचलित कानून बमोजिम अन्य व्यक्ति तथा संस्थाहरुमा बिक्री प्रक्रिया अघि बढाईने कम्पनीले जनाएको छ ।
वि.सं.२०७८ चैत १७ बिहीवार १२:२७ मा प्रकाशित