काठमाडौं । नेपाल स्टक एक्सचेञ्ज (नेप्से)मा यस साता विभिन्न पाँच कम्पनीको सेयर मूल्य समायोजन भएको छ ।
यस साता नेप्सले अपि पावर, साल्ट्र ट्रेडिङ्ग कर्पोरेशन, सिद्धार्थ इन्स्योरेन्स, प्रभु इन्स्योरेन्स र आरम्भ चौतारी लघुवित्त वित्तीय संस्थाको सेयर मूल्य समायोजन गरेको हो ।
नेप्सेले अपि पावरको ३९.३६ प्रतिशत हकप्रदको सेयर मूल्य समायोजनपछि ३६३ रुपैयाँ २७ पैसा र साल्ट ट्रेडिङ्ग कर्पोरेशनको १० प्रतिशत बोनस सेयरको समायोजनपछि ४ हजार ६८३ रुपेयाँ ६४ पैसा तोकेको छ ।
यस साता नेप्सेले सिद्धार्थ इन्स्योरेन्सको १५ प्रतिशत बोनस सेयरको मूल्य समायोजनपछि ८९१ रुपैयाँ ३० पैसा तोकेको छ । नेप्से कम्पनीको बुधवार कायम अन्तिम सेयर मूल्य १ हजार २५ रुपैयाँको आधारमा मूल्य समायोजन गरेको हो ।
यस्तै, नेप्सेले प्रभु इन्स्योरेन्सको ११ प्रतिशत बोनस सेयरको मूल्य समायोजनपछि ७४३ रुपैयाँ २४ पैसा तोकेको छ । कम्पनीको बुधवार कायम अन्तिम कारोबार मूल्य ५२५ रुपैयाँको आधारमा नेप्सेले समायोजन गरेको हो ।
त्यसैगरि नेप्सेले आरम्भ चौतारी लघुवित्त वित्तीय संस्थाको १८ प्रतिशत बोनस सेयरको मूल्य समायोजनपछि १ हजार ११६ रुपैयाँ ८६ पैसा कायम भएको छ । आज अर्थात बुधवार कम्पनीको अन्तिम कारोबार मूल्य १ हजार ३३६ रुपैयाँको आधारमा मूल्य समायोजन गरेको हो ।
वि.सं.२०७८ चैत १७ बिहीवार १६:०५ मा प्रकाशित
