काठमाडौं । सन नेपाल लाइफ इन्स्योरेन्स कम्पनीले साधारण सभाका लागि मिति तय गरेका छ ।
कम्पनीको चैत १० गते बसेको सञ्चालक समितिको बैठकले चौथो वार्षिक साधारण सभा वैशाख ९ गते गर्ने निर्णय गरेको हो ।
कम्पनीको सभाको विशेष प्रस्तावमा पुँजी वृद्धि गर्ने लगायत प्रवन्धपत्र र नियमावलीमा संशोधन गर्ने रहेको छ ।
सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
यसका साथै सभामा कम्पनीको सञ्चालक समितिमा संस्थापक सेयरधनीबाट प्रतिनिधित्व गर्ने ४ जना सञ्चालकको निर्वाचन गर्ने, नियमनकारी निकायबाट संशोधन सम्बन्धमा कुनै सुझाब वा निर्देशन आएमा उक्त कार्य गर्न सञ्चालक समितिलाई अख्तियारी प्रदान गर्ने लगायतका प्रस्तावहरु परित गर्नेछ ।
वि.सं.२०७८ चैत १८ शुक्रवार १०:४९ मा प्रकाशित
