काठमाडौं । मंगलबार इमर्जिङ्ग नेपालको सेयर मूल्यमा नकरात्मक सर्किट लागेको छ । उक्त दिन कम्पनीको सेयर मूल्य १० प्रतिशतले घटेको हो ।
साताको तेस्रो कारोबार दिन कम्पनीको सेयर मूल्य प्रतिकित्ता १४७ रुपैयाँले घटेको हो । योसंगै कम्पनीको सेयर मूल्य १ हजार ३२३ रुपैयाँ कायम भएको छ ।
यस्तै, उक्त दिन नारायणी डेभलपमेन्ट बैंकको सेयर मूल्य पनि उच्च दरमा घटेको छ । आज बैंकको सेयर मूल्य ६.३७ प्रतिशत अर्थात प्रतिकित्ता २८ रुपैयाँ ९० पैसाले घटेको छ । योसंगै कम्पनीको सेयर मूल्य ४२५ रुपैयाँ १० पैसा कायम भएको छ ।
त्यसैगरि उक्त दिन युनाईटेड इदी मर्दी आरवि हाइड्रोपावरको सेयर मूल्य पनि ६.०१ प्रतिशतले घटेको छ । कम्पनीको सेयर मूल्य प्रतिकित्ता ६२ रुपैयाँ ५० पैसाले घटेर ९७७ रुपैयाँ ५० पैसा कायम भएको छ ।
उक्त दिन जनरल इन्स्योरेन्स कम्पनीको सेयर मूल्य ५.६९ प्रतिशतले घटेको छ । आज कम्पनीको सेयर मूल्य ३५ रुपैयाँले घटेर ५८० रुपैयाँ २० पैसा कायम भएको छ ।
वि.सं.२०७८ चैत २२ मंगलवार १५:३४ मा प्रकाशित
