काठमाडौं । आज नेपाल दूरसंचार कम्पनी (टेलिकम) को चौधौं वार्षिक साधारण सभा हुँदैछ । कम्पनीले पहिलो पटक लाभांश वितरण गर्नका लागि सभा बोलाएको हो ।
उक्त सभाले गत आर्थिक वर्ष २०७७/७८ को मुनाफाबाट सेयरधनीहरुलाई २० प्रतिशत बोनस सेयर र कर प्रयोजनका लागि २० प्रतिशत नगद लाभांश वितरण्को प्रस्ताव पारित गर्नेछ ।
साथै सोही सभाले आव २०७७/७८ को वार्षिक प्रतिवेदन उपर छलफल गरी पारित गर्ने, सोही आवको वासलात, नाफा नोक्सान हिसाब, नगद प्रवाह विवरण तथा अन्य अनुसूचीहरु उपरल छलफल गरी पारित गर्नेछ ।
त्यस्तै, आव २०७८/७९ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने सभाको एजेण्डा रहेको छ ।
कम्पनीले साधारण सभा प्रयोजनार्थ र लाभांश वितरणका लागि चैत ११ गतेदेखि चैत २३ गेतसम्म बुकक्लोज गरिसकेको छ ।
यसअनुसार चैत १० गतेसम्म कायसेयरधनीमात्र सभामा उपस्थित हुन र नेप्सेमा कारोबार भई कायम रहेका शेयरधनीले मात्र प्रस्तावित लाभांश पाउनेछन् ।
वि.सं.२०७८ चैत २४ बिहीवार ०८:०५ मा प्रकाशित
