काठमाडौं । ग्लोबल आइएमई बैंकले संस्थापक सेयर बिक्रीमा ल्याएको छ ।
बैंकले ३ लाख २७ हजार ८२३ कित्ता संस्थापक सेयर सर्वसाधारणमा बिक्रीका लागि ल्याएको हो । बैंकले बिक्री मूल्य भने उल्लेख गरेको छैन ।
बैंकले संस्थापक सेयरधनी ऋषीराम ज्ञवालीको नाममा रहेको ४ हजार १२२ कित्ता, संजिव न्यौपानेको १ हजार ४८४ कित्ता, जयन्द्र बहादुर राजभण्डारीको १४ हजार २८४ कित्ता, सुनिता सुरेका अग्रवालको १ लाख कित्ता मिलन थापाको १ लाख, गुमान सिं सिंजाली थापाको ८ हजार २९५ कित्ता संस्थापक सेयर सर्वसाधारणमा बिक्री गर्न लागेको हो ।
यस्तै, बैंकले भिमेन्द्र बहादुर शिलवालको १४ हजार ८१२ कित्ता, बसन्तराज अधिकारीको २० हजार कित्ता, बोध प्रसाद त्रिपाठीको ३० हजार, धनश्याम अधिकारीको १४ हजार २८३, बिजय कुमार चौधरीको १५ हजार ४३, कृष्ण प्रसाद श्रेष्ठको ५ हजार ५ सय कित्ता संस्थापक सेयर सर्वसाधरणमा बिक्री गर्न लागेको जनाएको छ ।
एक सूचना निकाल्दै बैंकले कम्पनीले गत माघ २१ गतेदेखि विद्यमान संस्थापकमा बिक्रीको आह्वान गरेको उक्त सेयर अन्य व्यक्ति तथा संस्थामा बिक्री गर्न लागेको जनाएको छ ।
बैंकले विद्यमान संस्थापक सेयरधनीहरुलाई पहिलो प्राथमिकतामा राखी बिक्री खुला गरेको थियो । तोकिएको अवधिभित्र विद्यमान संस्थापक सेयरधनीहरुबाट सेयर खरिदका लागि आवेदन प्राप्त नभएकाले संस्थापक बाहेकका अन्य व्यक्ति तथा संस्थाहरुमा बिक्री गर्न लागिएको बैंकले सूचनामा मार्फत जनाएको छ ।
उक्त सेयर खरिदका लागि इच्छक योग्य व्यक्ति/सस्थाहरुले आवेदन दिन सक्नेछन् । आवेदन आजैका मितिले ३५ दिनभित्र बैंकको रजिष्टर्ड कार्यालय कमलादी, काठमाडौंमा निवेदन पेश गर्नुपर्नेछ ।
वि.सं.२०७८ चैत २५ शुक्रवार १२:३९ मा प्रकाशित