काठमाडौं । नेपाल विद्युत् प्राधिकरणले २० वटा विद्युतीय गाडी खरिद गरेको छ । प्राधिकरणले टाटा नेक्सन ईभी गाडी खरिद गरेको हो ।
कर्पोरेट कामको लागि प्राधिकरणले टेन्डर प्रक्रियाअनुसार टाटाको नेक्सन खरिद गरेको हो जनाएको छ । विद्युतीय गाडी खरिदका लागि प्राधिकरणले केही समयअघि टेन्डर आह्वान गरेको थियो ।
विद्युतीय सवारी साधनको परीमाणात्मक सुरुवात गरिएको र विद्युतीय सवारी प्रवर्द्धन तथा पेट्रोलियम पदार्थ खपत कटौतिमा योगदान दिने प्राधिकरणले जनाएको छ ।
नेपालमा टाटाले गत साउनमा नेक्सन ईभी सार्वजनिक भएको थियो। नेक्सन ईभी नेपालमा बढी बिक्री हुने विद्युतीय गाडीमा पर्छ । यो गाडी जिपट्रोन प्लेटफर्ममा बनेको ३०.२ किलोवाट आवर क्षमताको लिथियम आयोन ब्याट्री जडान भएको छ । नेक्सन–ईभीमा ९५ किलोवाट क्षमताको इलेक्ट्रिक मोटर जडान गरिएको छ ।
६० मिनेटमा ८० प्रतिशतसम्म चार्ज गर्न सकिने यो गाडी फुल चार्जमा करिब ३ सय किलोमिटर गुड्न सक्ने कम्पनीले जनाएको छ । यो गाडीले अधिकतम १ सय २९ पीएस पावर र २ सय ४५ एनएम टर्क जेनेरेट गर्नेछ ।
यसमा २ हजार ४ सय ९८ मिलिमिटर ह्विलबेस र २ सय ५ मिलिमिटर ग्राउण्ड क्लेयरेन्स, पाँच सिट क्षमताको यो गाडीको बुट स्पेस ३ सय ५ लिटर छ । नेपालमा हाल नेक्सन इभीको सुरुवाती मूल्य ३६ लाख ९९ हजार रहेको छ ।
वि.सं.२०७८ चैत २७ आइतवार १३:२८ मा प्रकाशित
