काठमाडौं । नयाँ नेपाली वर्षको अवसरमा आइएमई ग्रुपद्वारा संचालित र आइएमई डिजिटल सोलुसनद्वारा प्रवर्द्धित आइएमई पेले दराजसँग सम्झौता गरेको छ ।
अब आइएमई पे सेवाग्राहीले दराजद्वारा अनलाइन सामान खरिद गरि अनलाइनबाटै भुक्तानी गर्दा १० प्रतिशतसम्म छुट प्राप्त गर्न सकिनेछ ।
उक्त सम्झौतापत्रमा आइएमई पेका तर्फबाट सहायक महाप्रवन्धक प्रमोदमान सिंह बस्नेत र दराजका तर्फबाट भुक्तानी प्र्रबन्धक जोनाम भुर्तेलले हस्ताक्षर गर्नु भएको हो ।
आइएमई पे सेवाग्राहीले नेपाली नयाँ वर्षको उपलक्ष्यमा हुन लागेको नव वर्ष २०७९ अभियान २०७८ चैत्र २८ को दिन देखि २०७९ बैशाख ७ को दिन सम्मको लागि आईएमई पे मार्फत अग्रिम भुक्तानीमा अभियानको पहिलो दिन विहान १२ देखि १२ः३० सम्म १०% छुट, अधिकतम १ हजार रुपैयाँ र अभियान सुरु भएको पहिलो आधा घण्टा पछि दैनिक रस आवर आधा–घण्टामा १०% छुट अधिकतम ७५० रुपैयाँसम्म हुने ब्यवस्था मिलाइएकोे छ ।
रस आवरको समय बिहान ८ बजे देखि ८ः३० सम्म र दिउँसो ३ बजे देखि ३ः३० सम्म हुनेछ साथै दराजको रु. १ को गेममा पनि सहभागि भएर सामसुङ ए०३ कोर, क्यूएण्डयू क्वीन साइज वेड ७÷५ फिट, नार्जो ५० बाई रियली जस्ता आकर्षक उपहार पनि जित्न सक्नुहुनेछ ।
यस अभियानको मोडालिटी सामूहिक भाउचर हुनेछ जहाँ प्रयोगकर्ताले आईएमई पे भौतर सङ्कलन गरी छुट रिडिम गर्नेछन्। ।
यस सम्झौताको मुख्य उद्देश्य आइएमई पे सेवाग्राहीहरुलाई नयाँ वर्षमा सजिलोसँग घरमै बसी अनलाइनबाटै सामान खरिद र भुक्तानी गर्दा छुट प्राप्त गर्न सकिने अवसर प्रदान गर्नु हो ।
यस सम्झौताले विशेष छुट उपलब्ध गराउने हुँदा ग्राहक महानुभावहरुलाई विशेष सहयोग पुग्ने विश्वास आइएमई पेले लिएको छ ।
वि.सं.२०७८ चैत २७ आइतवार १३:५२ मा प्रकाशित