काठमाडौं । उपकार लघुवित्त वित्तीय संस्थाको आईपीओमा आवेदन दिने सयम थप भएको छ ।
कम्पनीको आईपीओमा छिटोमा आज अर्थात चैत २९ गतेसम्म आवेदन दिने अवधि रहेता पनि चैत २७ गते रानवमीको बिदा रहेकाले समय थप गरिएको हो । योसंगै अब कम्पनीको आईपीओ चैत ३० गतेसम्म आवेदन दिन पाइने भएको हो ।
कम्पनीले चैत २५ गतदेखि २ करोड ३६ लाख २५ हजार बराबरको प्रतिसेयर १०० अंकित दरका २ लाख ३६ हजार २५० कित्ता आईपीओ निष्काशन तथा बिक्री खुला गरेको हो ।
कम्पनीले निष्काशन गर्ने कुल सेयरमध्ये ३ हजार २८१ कित्ता कर्मचारीहरुका लागि सुरक्षित गरिएको छ भने ११ हजार ८१३ कित्ता शेयर सामूहिक लगानी कोषहरुलाई र बाँकी रहेको २ लाख २१ हजार १५६ कित्ता सर्वसाधारणहरुका लागि छुट्याएको छ ।
आईपीओ खरिदका लागि न्यूनतम १० कित्ता र अधिकतममा १ हजार कित्ताका लागि आवेदन दिन सक्नेछन् ।
कम्पनीको आईपीओ निष्काशन तथा तथा बिक्री प्रबन्धक नेपाल एसबिआई बैंकिङ्ग लिमिटेड रहेको छ ।
वि.सं.२०७८ चैत २९ मंगलवार ०८:२९ मा प्रकाशित