काठमाडौं । मेगा बैंक लिमिटेडको कायममुकायम प्रमुख कार्यकारी अधिकृत (कामुसीईओ) मा रविना देशराज श्रेष्ठ नियुक्त हुनुभएको छ ।
मेगा बैंकको प्रमुख कार्यकारी अधिकृत अनुपमा खुञ्जेलीले राजीनामा दिएसंगै श्रेष्ठ कामु सिईओमा नियुक्त हुनु भएको हो । बैंकमा श्रेष्ठ डेपुटी प्रमुख कार्यकारी अधिकृत पदमा रहुनभएको थियो ।
बैंकको बुधवार बसेको संचालक समितिको बैठकले श्रेष्ठलाई कामु सिईओको जिम्मेवारी प्रदान गरेको हो ।
श्रेष्ठ मेगा बैंक स्थापनादेखि नै कार्यरत रहनुभएको छ । ग्रामीण बैंकिङमा विशेष दख्खल राख्ने रविनाले भारतको कलकत्तास्थित मदन टेरेसाज होम फर द ओल्ड एण्ड चिल्ड्रेनबाट आफ्नो करिअर सुरु गर्नु भएको थियो ।
रविनाको अध्ययन पनि कलकत्तामै भएको हो ।त्यसपछि तत्कालिन ग्रिण्डलेज बैंक (अहिलेको स्ट्याण्डर्ड चार्टर्ड बैंक) मा आउनुभयो । त्यहाँ १३ बर्ष काम गर्नुभएको थियो । उहाँले ’इन्ट्री लेभल’ बाट करियर सुरु गर्नुभएको थियो ।
चार्टर्ड छोडेर उहाँ नबिल बैंकमा आउनुभयो । नबिलमा उहाँले ६ बर्ष सात महिना बिताउनुभएको थियो । नबिलपछि खुल्न लागेको मेगा बैंक नेपालमा अनिल शाह (नबिल बैंकका सिइओ), अनुपमा खुँञ्जेली (मेगा बैंककी सिइओ) सँगै गएकी जानुभएको थियो ।
बैंकिङ क्षेत्रमा रविनाले ३१ बर्ष बिताइसक्नुभएको छ । उहाँले प्रबल जनसेवाश्री (चुतर्थ), मानार्थ डाक्टर उपाधि, अन्तराष्ट्रिय संस्थाहरुबाट सम्मान तथा पुरस्कार पनि प्राप्त गर्नुभएको छ ।
उहाँले एसियास्तरीय ‘२१ सेञ्चुरी गोल्डेन फोनिक्स अवार्ड’ लगायत चार वटा अन्तर्राष्ट्रिय अवार्ड तथा बैंकिङ र सामाजिक क्षेत्रका थुप्रै पुरस्कार र सम्मान पाइसक्नुभएको छ ।
वि.सं.२०७९ वैशाख २ शुक्रवार १०:३५ मा प्रकाशित
