काठमाडौं । यामाहा मोटरसाइकलको मूल्य मूल्य बढेको छ । यामाहा मोटरसाइकलको आधिकारीक वितरक एमएडब्ल्यु इन्टरप्राइजेजले हिजो बुधबारदेखि लागू हुने गरी नयाँ मूल्यसूची सार्वजनिक गरेको हो ।
कम्पनीले नयाँ बर्ष लगत्तै स्कुटर तथा मोटरसाइकलको मुल्यमा ४ हजारदेखि अधिकतम २० हजार रुपैयाँसम्म मुल्य बढाएको हो ।
नयाँ मूल्य सूचि अनुसार एफजेट एफ आईको मूल्य दुई लाख २४ हजार, एफजेट ए भि २को तीन लाख ३५ हजार, एफजेटएस भि थ्रि एफआई एक्स कनेक्टको तीन लाख ८४ हजार र भिथ्रि डार्क नाइटको तीन लाख ८९ हजार रुपैयाँ पुगेको छ ।
यस्तै एक्सटिजेट १५०को ५ लाख ६९ हजार तथा स्कुटर तर्फ रेजेट ११३को दुई लाख १४ हजार, रेजेटआर १२५ डिक्स र ड्रमको क्रमश दुई लाख ७१ हजार र दुई लाख ७१ हजार र स्ट्रिट र्यालिको दुई लाख ७८ हजार मुल्य निर्धारण गरिएको छ ।
त्यसैगरी एमटी सेग्मेन्टमा एमटी १५ बिएससिक्स एबिएस,एमटी बिएससिक्स ह्वाइट र बिएससीक्स सिवाई डब्ल्युको मूल्य क्रमश ४ लाख ७१ हजार, ४ लाख ८१ हजार रुपैयाँ तोकिएको छ ।
वि.सं.२०७९ वैशाख ८ बिहीवार १६:३३ मा प्रकाशित
