काठमाडौं । आरम्भ चौतारी लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
सोमबार सार्वजनिक वित्तीय विवरण अनुसार कम्पनीको खुद नाफामा गिरावट देखिएको छ । चालु आवको चैत मसान्तसम्ममा कम्पनीको खुद नाफा ३७.१९ प्रतिशतले घटेर ४ करोड ९२ लाख २ हजार रुपैयाँ कायम भएको छ । गत वर्षको सोही अवधिमा कम्पनीले ७ करोड ८३ लाख ३६ हजार रुपैयाँ नाफा गरेको थियो ।
चैत मसान्तसम्ममा कम्पनीले २६ करोड ८८ ला ख १९ हजार रुपैयाँ खुद ब्याज आम्दानी गरेको छ । जुन गत वर्षको तेस्रो त्रैमासिक अवधिको तुलनमा ३२.३८ प्रतिशतले बढी हो । गत वर्षको सोही अवधिमा कम्पनीको यो आम्दानी २० करोड ३० लाख ६९ हजार रुपैयाँ रहेको थियो ।
उक्त अवधिमा कम्पनीको संचालन मुनाफामा भने ४२.०७ प्रतिशतले कमी आई ६ करोड ९८ लाख ५१ हजार रुपैयाँ कायम भएको छ । गत वर्षको चैत मसान्तसम्ममा भने कम्पनीको यो मुनाफा १२ करोड ५ लाख ७८ हजार रुपैयाँ रहेको थियो ।
कम्पनीको चुक्ता पुँजी ३६ करोड ७१ लाख ४३ हजार रुपैयाँ रहेको छ । कम्पनीले जगेडा तथा कोषमा भने १३ करोड ५ लाख ३२ हजार रुपैयाँ राखेको छ ।
कम्पनीको प्रतिसेयर आम्दानी १७ रुपैयाँ ८७ पैसा र प्रतिसेयर नेटवर्थ १३५ रुपैयाँ ५५ पैसा रहेको छ ।
वि.सं.२०७९ वैशाख १२ सोमवार ०९:५६ मा प्रकाशित